دەستەی داكۆكی لە مامۆستایان و فەرمانبەرانی ناڕازی كە ئەمڕۆ لەگەڵ تەیف سامی وەزیری دارایی عێراق كۆبوونەوە و لە كۆنگرەیەكی رۆژنامەوانیدا کە پەیامنێری تۆڕی میدیایی ئێستا ئامادەیبوو رایگەیاند، لە كۆبوونەوەكەدا تەیف سامی جەختی لە تەوتینكردنی مووچەی مووچەخۆرانی هەرێم كردووەتەوە.
راشیانگەیاند، وەزیری دارایی عێراق ئاشكرایكردووە نووسراوی بۆ تەوتین كردووە و هەرێم وەڵامی نووسراوەكەی نەداوەتەوە.
هاوكات جەختیان كردەوە كە تەیف سامی وەزیری دارایی عێراق لە كۆبوونەوەكەدا رایگەیاندووە پابەندی یاسایە و چاوەڕوانی بڕیاری دادگای فیدراڵین و ناردنی مووچە پەیوەستە بە بڕیاری دادگای فیدراڵی كە سكاڵایەك تۆماركراوە و هەر بڕیارێك بدرێت پێوەی پابەنددەبن.
