ئەندامێکی کۆنگرێسی ئەمریکا رایگەیاند، “بۆ رازیکردنی بەغداد هەموو هەوڵێک دەدرێت”.
جۆ ویڵسن، ئەندامی کۆنگرێسی ئەمریکا لە پارتی کۆماری، لە چاوپێکەوتنێکی رۆژنامەوانیدا پەیوەست بە بڕینی مووچەی مووچەخۆرانى هەرێم رایگەیاند، زۆر رێز لە هەرێمی کوردستان دەگرم کە نمونەی سەرکەوتنی ئابوری و سیاسییە، بۆیە من زۆر دڵنیام بۆ رازیکردنی حکومەتی بەغداد، هەموو هەوڵێک دەدرێت.
وتیشی، “سەرۆک ترەمپ رابەرایەتیی ئەو هەوڵانە دەکات”.
لەبارەی دۆخی سوریاوە جۆ ویڵسن وتی، پشتیوانی لە حکومەتی نوێی سوریا دەکەین، ئەمە دەرفەتێکی گەورە بۆ هەموو ناوچەکە دەڕەخسێنێت، گۆڕانکاری لە سوریا کاریگەرییەکی گەورە و شەپۆلاوی دەبێت.
