بەڕێوەبەری گشتیی ئاو و ئاوەڕۆی هەرێم رایدەگەیەنێت، پڕۆژەی هێڵی سێیەمی ئاوی دوكان- سلێمانی رادەكێشرێت.
ئاری ئەحمەد، بەڕێوەبەری گشتی ئاو و ئاوەڕۆ لە وەزارەتی شارەوانی هەرێم رایگەیاند، لەسەرانسەری هەرێمی كوردستان 5 هەزارو 808 بیر بۆ ئاوی خواردنەوە بەكاردەهێنرێن واتا 50% ـی ئاوی خواردنەوە دابیندەكات.
راشیگەیاند، 26 پڕۆژەیان لە بواری ئاودا هەیە و بەشێكیان كارەكانیان نیوەی زیاتری تەواوبووە و پڕۆژەی هێڵی سێیەمی دوكان -سلێمانیش لە تەندەردایە بە بەهای 293 ملیۆن دۆلار و لەداهاتوودا دەكەوێتە بواری جێبەجێكردنەوە.
