سەرۆکی کۆڕبەندی دێڵفی رایگەیاند، “زیاتر لە 50 سەرکردە و بازرگانمان لە ئەوروپا و رۆژهەڵاتی ناوەراستەوە هێناوەتە سلێمانی”.
سیمیۆن تسۆمۆکۆس، دامەزرێنەر و سەرۆکی کۆڕبەندی دێڵفی، رایگەیاند، کۆڕبەندی دێڵفی گرنگییەکی زۆری هەیە و هەوڵدەدەین هەموو ساڵێک لە سلێمانی ئەنجامیبدەین.
وتیشى، “زیاتر لە 50 سەرکردەی سیاسی و بازرگانمان لە ئەوروپا و رۆژهەڵاتی ناوەراستەوە هێناوەتە سلێمانی کە شارێکی مەزنە و خەڵکەکەشی مەزنن”.
هەرێمی کوردستان توانایەکی باشی بۆ گەشەی ئابوری هەیە و هەنگاوی باشی بڕیوە و هەروەها کەرتەکانی وزە و کشتوکاڵ و تەکنەلۆژیا بۆ هەرێم زۆرگرنگن، تسۆمۆکۆس واى وت.
ئەمڕۆ کۆڕبەندی ئابوریی دێڵفی-سلێمانی دەستی بە کارەکانی کرد و بڕیارە سبەینێش بەردەوامبێت، چەندین سەرکردە و بازرگانی وڵاتان لە کۆڕبەندەکەدا بەشدارن و پرسە ئابورییەکان تاوتوێدەکەن.
