دوای ئەوەی بەیانیی دوێنێ هونەرمەند محەمەد عەباس بارام لە ئوردن كۆچی دواییكرد و بەخاكسپێردرا، لەسەر داوای كەسوكارەكەی و لەسەر ئەركی قوباد تاڵەبانی، تەرمەكەی دەگەڕێنرێتەوە هەرێمی كوردستان.
دوێنێ هونەرمەند محەمەد عەباس بارام لە تەمەنی 73 ساڵیدا و لە ئوردن كۆچی دواییكرد، هەر لە وڵاتی ئوردن بەخاكسپێردرا.
ئەمڕۆش هاوسەری ئەو هونەرمەندە رایگەیاندووە، لەسەر ئەركی نووسینگەی قوباد تاڵەبانی ئەمشەو تەرمەكەی دەردەهێنرێتەوە و دەخرێتەوە ساردكەرەوەوە تاوەكو مامەڵە یاساییەكانی بۆ دەكرێت و دواتر تەرمەكەی دەگەڕێنرێتەوە شاری سلێمانی.
