رێباز حەملان، بریكاری پێشووی وەزارەتی دارایی عێراق لە دیدارێكدا رایگەیاند، محەمەد شیاع سودانی بڕیاری ناردنی مووچە بدات تەیف سامی بۆی نییە بڵێ ناینێرم و بڕیارەكە لای ئەنجومەنی وەزیران و سەرۆك وەزیرانی عێراقە، كە بڕیاریدا مووچە خەرجبكرێت ئەگەر تەیف سامی لە حەجیش بێت كێشە بۆ ناردنی مووچە دروست نابێت”.
وتیشی، “هەفتەی داهاتوو دەست بە ئامادەكارییەكان بۆ لیستی مووچەی مانگی پێنج و تەرازووی پێداچوونەوە دەكرێت و داهاتی ناوخۆ بۆ بەغداد دەنێرێت”.
راشیگەیاند، هەرێمی كوردستان سەرجەم پایەندییەكانی جێبەجێكردووە و چیتر مایەی قبووڵكردن نییە ناردنی مووچە دوابخرێت و بەپێی بڕیاری دادگا فیدراڵی نابێت مووچەی مووچەخۆران دوابخرێت.
