بەڕێوەبەری كۆمپانیای خۆراك لە سلێمانی رایدەگەیەنێت، لە سەرەتای هەفتەی داهاتوو برنج و زەیتی دوو مانگ بەسەر یەكەوە دابەشدەكرێت.
كامەران فەتاح، بەڕێوەبەری خۆراكی سلێمانی لە لێدوانێكدا بە تۆڕی میدیایی ئێستای راگەیاند، ئاگاداركراوینەتەوە كە برنج و زەیتی پێویستمان بۆ دابیندەكرێت و بۆ ئەو مەبەستە بریكارەكانی خۆراكمان ئاگاداركردووەتەوە.
راشیگەیاند، ئەو برنج و زەیتەی دابەشدەكرێت تایبەتە بە مانگەكانی یەك و دووی ئەمساڵ و بەردەوامدەبین لە دابەشكردنی بەسەر هاوڵاتییاندا.
