فەرماندەی گشتیی هێزە چەکدارەکانی عێراق، فەوجێکی 500 کەسیی سوپا لە پاکستانەوە دەگەڕێنێتەوە.
وەزارەتی بەرگریی عێراق لە راگەیەندراوێکدا بڵاویکردەوە، محەمەد شیاع سودانی، سەرۆک وەزیران و فەرماندەی گشتیی هێزە چەکدارەکان بڕیاریدا فەوجێکی 500 کەسی لە ئەفسەر و کارمەندانی وەرگیراو لە فەوجی دووەمی لیوای 66ـی فیرقەی هێزە تایبەتەکان، بگەڕێنێتەوە کە لەئێستادا لە پاکستانن.
ئاماژەی بەوەشکرد، ئەم بڕیارە لە ژێر رۆشنایی بارودۆخی ئێستای پاکستان و لە خەمی سەلامەتیی هێزە عێراقییەکانەوە دراوە.
وەزارەتی بەرگریی عێراق دەشڵێت، رێوشوێنی پێویست لەلایەن وەزارەتەوە بۆ گەڕانەوەی ئەو 500 کەسە بۆ عێراق، گیراوەتەبەر.
