بەڕێوەبەرایەتیی پۆلیسی هەولێر رایگەیاند، ئەو کەسەی لە گەڕەکی تەیراوە خوشکێکی خۆی کوشت، دەستگیرکرا.
لە راگەیەندراوێکی بەڕێوەبەرایەتیی پۆلیسی هەولێر کە وێنەیەکی دەست تۆڕی میدیایی ئێستا کەوتووە، هاتووە، “دوای ئەوەی ئەمڕۆ رێکەوتی 3/5/2025، ئاگادارکراینەوە لە رووداوێکی کوشتن لە گەڕەکی تەیراوەی شاری هەولێر، دەستبەجێ تیمەکانمان گەیشتنە شوێنی رووداوەکە و دەستمان بە لێکۆڵینەوە کرد”.
ئەوەشخراوەتەڕوو، لە لێکۆڵینەوەکاندا دەرکەوت کە کچێک بە ناوی (ن. ٲ. ع)، لەلایەن براکەیەوە بەناوی (ع. ٲ. ع) لەسەر کێشەیەکی کۆمەڵایەتی کوژراوە.
پۆلیسی هەولێر دەشڵێت، دوای کەمتر لە دوو کاتژمێر، تۆمەتبار بەپێی ماددەی (406) لە یاسای سزادان، دەستگیرکرا و پەڕاوی لێکۆڵینەوەی بۆ کرایەوە.
