دوای سێ رۆژ لە خنکانی لە رووباری خاپوور تەرمی گەنجێکی سنووری قەزای زاخۆ دۆزرایەوە.
بەڕێوەبەرایەتیی بەرگریی شارستانیی زاخۆ بڵاویکردەوە، نیوەڕۆی ئەمڕۆ ئاگادارکراینەوە لە بوونی تەرمێک لە رووباری خاپووردا.
ئاماژەی بەوەشکرد، دوای گەیشتنمان بە شوێنی تەرمەکە توانیمان لە ئاوەکەدا دەریبهێنینەوە و رەوانەی پەیمانگەی پزیشکی دادی زاخۆی بکەین.
ئاشکراشیکرد، دوای پشکنین دەرکەوت، تەرمەکە گەنجێکی تەمەن 24 ساڵانە بە ناوی (ردوان حەسەن )، کە سێ رۆژ لەمەوبەر دیارنەمابوو.
