بەڕێوەبەرایەتیی دابەشکردنی کارەبای سلێمانی/ رۆژئاوا رایدەگەیەنێت، لە هەڵمەتێکدا، چاکسازییان لە تۆڕەکانی رووناکیی شەقامەکانی راپەڕین ئەنجامدا.
بەڕێوەبەرایەتییەکە لە راگەیەندراوێکدا دەڵێت، “تیمەکانی هۆبەی رووناکیی بەڕێوەبەرایەتیمان، هەڵمەتێکیان بۆ چاکسازی لە تۆڕەکانی رووناکیی شەقامەکانی سنووری چاکسازی کارەبای راپەڕین، نزیک فڕۆکەخانەی نێودەوڵەتیی سلێمانی، ئەنجامدا.
دەشڵێت، “زۆربەی کێشە و گرفتەکانی ئەو شەقامانەیان چارەسەرکرد و ئێستا شەقامەکان بەشێوەیەکی زۆر جوان و باش رووناککراونەتەوە”.
هەر لە راگەیەندراوەکەدا هاتووە، “بڕیارە تیمەکانی رووناکیی بەڕێوەبەرایەتیمان ئەم هەڵمەتانەیان بەردەوامبێت و سەرجەم تۆڕەکانی رووناکیی سنوورەکەمان چاکسازییان تيدابکرێت”.
