میدیاکانی تورکیا بڵاویانکردەوە، بەهۆی ئەو بومەلەرزەیەی کە شاری ئیستانبوڵی هەژاند، 151 کەس برینداربوون.
دەسەڵاتدارانی شاری ئیستانبوڵی تورکیا بە میدیا ناوخۆییەکانیان راگەیاند، دوای بومەلەرزەکەی ئەمڕۆ، چەندین کەس بەهۆی ترس و دڵەڕاوکێوە لە باڵەخانە بەرزەکانەوە خۆیان هەڵداوەتە خوارەوە و بە کۆی گشتی، 151 کەس برینداربوون.
ئەمڕۆ چوارشەممە، بومەلەرزەیەکی بەهێز بە گوڕی 6.2 پلە بە پێوەری رێختەر، ناوچەکانی نزیک دەریای مەڕمەڕە-ی لە تورکیا هەژاند و دانیشتووانی ئیستانبوڵ و چەند پارێزگایەکی دراوسێی تورکیا، هەستیان بە بومەلەرزەکە کرد.
