کەشناسیی هەرێم رایگەیاند، ئەمڕۆ و سبەی سێشەممە، لە ناوچە سنوورییەکانی باکور و رۆژهەڵات، ئەگەری تاوەباران هەیە.
بەڕێوەبەرایەتیی گشتیی کەشناسیی هەرێم لە راگەیەندراویکدا بڵاویکردەوە، ئەمڕۆ دووشەممە، ئاسمان نیمچەهەور دەبێت و لە ناوچە شاخاوییەکان هەندێک کات هەوری تەواو دەبێت، لە ناوچە سنووریەکانی باکور، ئەگەری کەمێک تاوەباران هەیە.
ئاماژەی بەوەشکرد، پلەی گەرمی نزیکدەبێتەوە لە تۆمارەکراوەکانی دوێنێ یەکشەممە.
لەبارەی کەش و پلەی گەرمیی سبەی سێشەممەوە، کەشناسی دەڵێت، ئاسمان لە نێوان هەور و نیمچەهەور دەبێت، لەگەڵ کەمێک تاوەباران لە ناوچە سنووریەکانی باکور و رۆژهەڵات، پلەی گەرمییش کەمێک بەرزتر دەبێتەوە بەراورد بە تۆمارکراوەکانی ئەمڕۆ.
بەرزترین پلەی گەرمیی پێشبینیکراو:
هەولێر : 32 پلەی سیلیزی
سلێمانی : 27 پلەی سیلیزی
دهۆک : 28 پلەی سیلیزی
کەرکوک : 33 پلەی سیلیزی
زاخۆ : 27 پلەی سیلیزی
هەڵەبجە : 27 پلەی سیلیزی
سۆران : 25 پلەی سیلیزی
حاجی ئۆمەران : 20 پلەی سیلیزی
گەرمیان :34 پلەی سیلیزی
