بەڕێوەبەرایەتیی گشتیی كەشناسیی هەرێم پێشبینییەكانی بۆ كەشوهەوای ئەمڕۆ و سبەی بڵاوكردووەتەوە و ئاماژەی بۆ ئەوە كردووە پلەكانی گەرما بەرزدەبنەوە.
بەپێی راگەیەندراوێكی بەڕێوەبەرایەتیی گشتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان لە زۆربەی كاتەكاندا ساماڵ دەبێت و هەندێك كات دەگۆرێت بۆ پەڵەهەور و پلەكانی گەرما بەرزدەبنەوە.
هەر لە راگەیەندراوەكەدا هاتووە، سبەی شەممە ئاسمان لە زۆربەی كاتەكاندا ساماڵ دەبێت و هەندێك كات دەگۆرێت بۆ پەڵەهەور و پلەكانی گەرما بەرزدەبنەوە بە بەراوورد بە تۆماركراوەكانی ئەمڕۆ.
