بەبۆنەی بە پارێزگابوونی شارەکەوە، نوخشە ناسیح پارێزگاری هەڵەبجە رایگەیاند، “سوپاسی سەرجەم فراکسیۆنە کوردییەکان و هەموو ئەو کەسایەتی و لایەنانە دەکەین کە پاڵپشت بوون بۆ پەسەندکردنی پرۆژە یاسای بە پارێزگابوونی هەڵەبجە”.
نوخشە ناسیح، پارێزگاری هەڵەبجە رایگەیاند، بەبۆنەی بە پارێزگابوونی هەڵەبجە وەک 19ەمین پارێزگای عێراق گەرمترین پیرۆزبایی ئاراستەی هاوڵاتییانی شارەکە و کەسوکاری شەهیدان و سەرجەم چین و توێژەکان دەکەین.
ئاماژەی بەوەشدا، سوپاسی سەرجەم فراکسیۆنە کوردییەکان و هەموو ئەو کەسایەتی و لایەنانە دەکەین کە پاڵپشت بوون بۆ پەسەندکردنی پرۆژە یاسای بە پارێزگابوونی هەڵەبجە، و داواکارین هەمیشە لە پاڵپشتی و پشتیوانیکردنی شارەکە بەردەوام بن.
ئەوەشی خستەڕوو، لە کۆتاییدا خۆمان بە خۆشحاڵ دەزانین کە لە دوای چاوەڕوانییەکی زۆر پڕۆژە یاسای بە پارێزگابوونی هەڵەبجە جێبەجێکرا، و هیوادارین بە پارێزگابوونی شارەکە بووژانەوە و ئارامی و هەلی کار بەدوای خۆیدا بهێنێت.
