وەزارەتی پەروەردەی حکومەتی هەرێمی کوردستان، خشتەی تاقیکردنەوەی نیشتمانیی (پۆلی نۆیەم-خولی یەکەم)ـی بۆ ساڵی خوێندنی (2024-2025) بڵاوکردەوە.
بەپێی خشتەکە، یەکەم تاقیکردنەوە لە رۆژی پێنجشەممە 15/5/2025ـدا دەبێت و رۆژی دووشەممەش 26/5/2025، کۆتا تاقیکردنەوە ئەنجامدەدرێت.
وەزارەتی پەروەردە دەڵێت، رۆژانە تاقیکردنەوەکان لە کاتژمێر 08:00ـی بەیانیدا دەستپێدەکەن، لەگەڵ هەموو خوێندنگە حکومی و ناحکومییە خۆماڵییەکان و ئێواران و خوێندنی خێرا، خوێندکارانی دەرەکی.
دەشڵێت، ئەگەر رۆژێکی تاقیکردنەوە بەر پشووی رەسمی بکەوێت، ئەوا تاقیکردنەوەی ئەو رۆژە دەچێتە رۆژی دواتر و بە هەمان زنجیرە بەردەوام دەبێت.
