لە سەنتەری قەزای سۆران، ماتۆڕسکیلێک سێ کەسی کرد بە ژێرەوە و برینداربوون.
بەڕێوەبەرایەتیی هاتوچۆی سۆران بڵاویکردەوە، ئاگادارکراینەوە لە بوونی رووداوێکی هاتوچۆ لە سەنتەری سۆران دوای گەیشتمان بە شوێنی رووداو بۆمان دەرکەوت ماتۆڕسکیلێک سێ کەسی کردووە بە ژێرەوە.
ئاماژەی بەوەشکرد، سێ کەسەکە پێکهاتبوون لە دوو ژن و منداڵێک و لە رووداوەکەدا برینداربوون.
داوایشیکرد، شۆفێران و ماتۆڕسوارەکان پابەندی رێنمایی و هێماکانی هاتوچۆبن بە مەبەستی دووبارەنەبوونەوەی ئەم جۆرە رووداوانە.
