وەزارەتی كار و كاروباری كۆمەڵایەتیی عێراق رایدەگەیەنێت، دەستدەكرێت بە خەرجكردنی مووچەی خانەنشینانی بیمەكراو بۆ مانگی چوار و لەگەڵ پاداشتێك بە بڕی 50 هەزار دینار بەبۆنەی جەژنی رەمەزانی پیرۆزەوە.
خلود حەیران بەڕێوبەری گشتیی بەشی خانەنشینی و دەستەبەری كۆمەڵایەتی بۆ كرێكاران رایگەیاند، سەرجەم رێكارەكانی پەیوەست بە دابەشكردنی مووچەی خانەنشینكراوانی بیمەكراو لە نیوەڕۆی ئەمڕۆ پێنجشەممەوە دەستپێكردووە”.
ئاماژەی بۆ ئەوەش كردووە، بەبۆنەی جەژنی رەمەزانی پیرۆزەوە، هەر كرێكارێكی خانەنشین بڕی 50 هەزار دینار جەژنانەی پێدەدرێت كە لەگەڵ مووچەكانیان دەتوانن وەریبگرن.
