بانکی قەڵات رایگەیاند، ئەمڕۆ مووچەی مانگی سێی خانەنشینانی شارستانی دابەشدەکرێت.
بانکەکە لە راگەیەندراوێکدا بڵاویکردەوە، دوای نیوەڕۆی ئەمڕۆ چوارشەممە، رێکەوتی 2025/3/26 بانکەکەمان کراوە دەبێت بۆ دابەشکردنی مووچەی مانگی سێی خانەنشینانی شارستانی.
دوێنێ سێشەممە، وەزارەتی دارایی و ئابوریی هەرێم رایگەیاند، رێکارەکانی ناردنی تەمویلی مووچە کە بڕەکەی 954 ملیار و 880 ملیۆن و 467 هەزار و 779 دینارە تەواوکرا و بڕیارە ئەمڕۆ، پارەکە بخرێتە سەر هەژماری بانکی وەزارەتەکە.
هەر دوێنێ پێشەوا هەورامانی، وتەبێژی حکومەتی هەرێمی کوردستان رایگەیاند، ئەگەر پارەکەی بەغداد بگاتە دەستمان، پێش جەژن مووچەی سەرجەم مووچەخۆران دابەشدەکەین.
