ژمارەیەک کامێرای خاڵ بۆ خاڵ لەسەر رێگای دهۆک – زاخۆ و چەند شوێنێکی دیکە جێگیردەکرێن و هاتوچۆی زاخۆش هاوڵاتییان ئاگاداردەکاتەوە.
ئەمڕۆ سێشەممە، بەڕێوەبەرایەتیی هاتوچۆی زاخۆ رایگەیاند، هاوڵاتییان ئاگاداردەکەینەوە کە لەمانگی داهاتوودا ژمارەیەک کامێرای خاڵ بۆ خاڵ لەسەر رێگای دهۆک – زاخۆ جێگیردەکرێت.
ئاماژەی بەوەشداوە، بەدیاریکراوی کامێراکان لە رۆژی 15ی مانگی نیساندا جێگیردەکرێن و لەسەر چەند رێگایەک دادەنرێت، لەوانە: رێگای دهۆک –زاخۆ و رێگای سەرەکی تونێلی گەلی زاخۆ – فلکەی سحێلا.
ئەوەشی خستەڕوو، خێرایی رێپێدراو لەو رێگایانەدا بۆ ئۆتۆمبێلی ئاسایی 100 کیلۆمەترە و بۆ بارهەڵگەر بریتییە لە 80 کیلۆمەتر لە کاتژمێرێکدا.
