ئەندامێكی ئەنجومەنی نوێنەرانی عێراق رایدەگەیەنێت، تەیف سامی وتوویەتی دوای مووچەخۆرانی عێراق مووچە بۆ هەرێم دەنێرم و دەشڵێت، “بەر لە جەژن مووچەخۆرانی هەرێم مووچە وەردەگرن”.
شیروان دووبەردانی، ئەندامی ئەنجومەنی نوێنەرانی عێراق رایگەیاند، ئەو رێكارانەی پێویستن لەلایەن هەرێمی كوردستانەوە گیراونەتەبەر و تەیف سامی وەزیری دارایی عێراق رایگەیاندووە دوای تەواوكردنی مووچەی مووچەخۆرانی عێراق، پارەی تەرخانكراو بۆ مووچەی مووچەخۆرانی هەرێم دەنێرم.
وتیشی، “بڕیاری ناردنی مووچە پێش جەژن دراوە و تەنها واژووی تەیف سامی وەزیری دارایی عێراق دراوە كە واژوو لەسەر ناردنی پارە لە بانكی ناوەندییەوە بۆ وەزارەتی دارایی هەرێم بكات”.
