لە هەڵبژاردنە گریمانەییە سەرەتاییەکەی پارتی گەلی کۆماری، ئەکرەم ئیمامئۆغلو 15 ملیۆن دەنگی بەدەستهێنا.
دوێنێ یەکشەممە لە شاری ئیستانبوڵ، پارتی گەلی کۆماری هەڵبژاردنێکی سەرەتایی و گریمانەیی بۆ سەرۆکایەتیی وڵاتەکە ئەنجامدا و لە ئەنجامدا ئەکرەم ئیمامئۆغلو کاندیدی حزبەکە 15 ملیۆن دەنگی بەدەستهێنا.
بەپێی ئەو داتایانەی شارەوانی ئیستانبوڵ بڵاویکردوونەتەوە، لە کۆی ئەو دەنگانەی بەدەستهاتوون 13 ملیۆن و 211 هەزار کەسیان لایەنگری حزبەکە نەبوون، بەڵام هەر دەنگیان داوەتێ.
بڕیارە لە ساڵی 2028 هەڵبژاردنی سەرۆکایەتیی تورکیا بەڕێوەبچێت و ئەکرەم ئیمامئۆغلو یەکێک بێت لە رکابەرە سەرەکییەکانی بەدەستهێنانی پۆستی سەرۆکایەتیی تورکیا.
