ئەمڕۆ و سبەینێ ئەگەرى بارانبارین لەئارادانییە و بەپێى پێشبینییەکانى کەشناسى سبەینێ پلەى گەرمى بەرزدەبێتەوە.
بەڕێوەبەرایەتیی گشتیی کەشناسى و بومەلەرزەزانیی هەرێم رایگەیاند، ئەمڕۆ ئاسمان بەگشتى لەنێوان پەڵەهەور بۆ نیمچە هەور دەبێت و، پلەى گەرمى نزیک دەبێتەوە بەراورد بە تۆمارکراوەکانی دوێنێ.
سەبارەت بە سبەینێش بەپێى پێشبینییەکان، ئاسمان نیمچە هەور بۆ هەوری تەواو دەگۆڕێت و، پلەى گەرمى (3-4) پلەى سیلیزى بەرزدەبێتەوە بەراورد بە تۆمارکراوەکانی ئەمڕۆ.
کەشناسیی هەرێم دەڵێت، بەرزترین پلەی گەرمیی پێشبینیکراو (هەولێر 23 پلە، سلێمانی 21، دهۆک 22، کەرکوک 25، زاخۆ 22، هەڵەبجە 20، سۆران 18، حاجی ئۆمەران 7 و گەرمیان 23 پلە) دەبن.
