سیروان ساڵح شارەزای بواری كەشناسی رایگەیاند، شەپۆلێكی بارانبارینی دەریای سوور بەبڕی جیاواز هەرێمی كوردستان و گەرمیان دەگرێتەوە بە دوو قۆناغ و قۆناغی یەكەم لاواز دەبێت تاوەكو درەنگانێكی ئێوارەی چوارشەممەو شەوی چوارشەممە لەسەر پێنجشەممە دەبێت، ئەگەر هەیە بڕێكی كەم باران ببارێت کە بەم شێوەیە دەبێت:
گەرمیان و كەركوك لە نێوان ( 2 تا 6 ملم )
پارێزگای سلێمانی و هەڵەبجە ( 1 تا 4 ملم )
پارێزگای هەولێر و دهۆك لاوازدەبێت.
راشیگەیاندووە، رۆژی پێنجشەممە و لە كاتی بەیانیی هەینی باران نابارێت و قۆناغی دووەم مامناوەند بۆ باش دەبێت و درەنگانێكی ئێوارەی هەینی و شەوەکەی لەگەڵ رۆژی شەممە و تاوەكو بەرەبەیانی یەكشەممە بەم شێوەیە دەبێت:
باشووری گەرمیان ( 20 بۆ 30 ملم )
ناوەڕاستی گەرمیان ( 10 بۆ 20 ملم )
باكووری گەرمیان و كەركوك ( 8 بۆ 12 ملم )
پارێزگای سلێمانی و هەڵەبجە ( 8 تا 10 ملم )
پارێزگای هەولێر ( 3 بۆ 6 ملم )
پارێزگای دهۆك ( 1 بۆ 3 ملم )
باسی لەوەش كردووە، لە زنجیرە چیاكانی بەرزتر لە 1500 مەتر ئەگەری بڕێكی كەم بەفر هەیە و رۆژی یەكشەممە كۆتایی بە شەپۆلەكە دێت.
