شارەزایەکی بواری کەشناسی و بومەلەرزەزانی رایگەیاند، بەیانیی ئەمڕۆ شەشەم بومەلەرزە لە نزیک شاری کەلار روویدا.
سیروان ساڵح، شارەزای بواری کەشناسی و بومەلەرزەزانی بڵاویکردەوە، کاتژمێر 09:07ـی بەیانیی ئەمڕۆ سێشەممە، بومەلەرزەیەکی دیکە لە نێوان کەلار و قۆرەتوو روویدا.
ئاماژەی بەوەشکردووە، چەقی بومەلەرزەکە لە گوندی بانزەمین سەر بە قەزای کەلار بووە و گوڕەکەشی 2.8 پلەی رێختەر بووە.
ئەوەشیخستووەتەڕوو، بومەلەرزەکە بە قوڵایی هەشت کیلۆمەتر و دوریی حەوت کیلۆمەتر له سەنتەری قەزای کەلار روویداوە.
ئەمە لەکاتێکدایە، کاتژمێر 11:53 خولەکی شەوی رابردووش، بومەلەرزیەک بە گوڕی 4.2 پلە بە پێوەری رێختەر لە سنووری نێوان عێراق ئێران لە قەزای خانەقین روویدا.
