بەشی ژمێریاریی وەزارەتی دارایی عێراق رایدەگەیەنێت، دەستیانکردووە بە دابەشکردنی مووچەی مانگی دووی مووچەخۆرانی عێراق.
وەزارەتی دارایی عێراق لە راگەیەندراوێکدا بڵاویکردەوە، بەشی ژمێریاریی وەزارەتەکە، بەپێی ئەو ناوەڕۆكی داراییەی پەسەندكراوە و لە یاسای بودجەی گشتیدا وردبینیی بۆ كراوە، ئەمڕۆ سێشەممە، دەستیانکرد بە دابەشکردنی مووچەی مانگی دووی مووچەخۆران.
وەزارەتەکە جەختیش لەسەر پابەندبوون بە خشتەی دارایی مانگانەی پەسەندکراو و جێبەجێکردنی ڕێکارە پێویستەکان دەکاتەوە.
هاوکات وەزارەتی دارایی عێراق، جەختیش دەکاتەوە لەسەر نەبوونی هیچ کورتهێنانێکی دارایی کە کاریگەری لەسەر خەرجییەکانی مووچە هەبێت.
