بەیانیی ئەمڕۆ شەممە، کۆبوونەوەی دووەمی هەردوو وەفدی حکومەتی هەرێمی کوردستان و حکومەتی عێراق لەبارەی پرسی مووچە و هەمواری بودجە، لە بەغداد دەستیپێکرد.
بەپێی زانیارییەکان، لە کۆبوونەوەکەدا، گفتوگۆ لەبارەی لیستی مووچەی فەرمانبەرانی هەرێمی کوردستان، ئەو فەرمانبەرانەی خانەنشین دەکرێن و هەمواری یاسای بودجە دەکرێت.
نیوەڕۆی دوێنێ هەینی، یەكەم كۆبوونەوەی هەردوو وەفد لە بەغدا بە سەرپەرشتیی فوئاد حسێن، جێگری سەرۆک وەزیرانی عێراق و بە سەرۆکایەتیی ئاوات شێخ جەناب، وەزیری دارایی و ئابوریی هەرێم و تەیف سامی، وەزیری دارایی عێراق بەڕێوەچوو.
بەپێی راگەیەندراوی وەزارەتی دارایی و ئابوریی هەرێم، کۆبوونەوەکە “لە کەشێکی ئەرێنی و بەرپرسیارانەدا بەڕێوەچوو و گفتوگۆ لەسەر بودجە و مووچەی فەرمانبەران و خانەنشینانی هەرێمی کوردستان کرا”.
