نوێنەری گشتیی مامۆستایانی گرێبەست رایدەگەیەنێت، تاوەكو ئێستا مووچەی مانگەكانی 7 و 8 مامۆستایانی گرێبەست كە ئەو كات وانەبێژبوون دابەشنەكراوە، هاوكات هەڕەشەی خۆپیشاندان لەبەردەم ئەنجومەنی وەزیرانی هەرێم دەكەن.
عەلی رەئووف نوێنەری گشتیی مامۆستایانی گرێبەست رایگەیاند، لە سنووری هەولێر و دهۆك تاوەكو ئێستا مووچەی مانگی 7 و 8 ی ساڵی رابردووی مامۆستایانی گرێبەست كە ئەو كات وانەبێژبوون دابەشنەكراوە لە كاتێكدا لە سلێمانی دابەشكراوە.
وتیشی، “ئەگەر تاوەكو رۆژی پێنجشەممەی داهاتوو شایستەی دارایی ئەو دوو مانگە دابەشنەكرێت لەبەردەم ئەنجومەنی وەزیرانی هەرێم خۆپیشاندان ئەنجامدەدەین”.
