نرخی زێڕ لەماوەی چەند رۆژی رابردوودا رووی لە بەرزبوونەوەکردووە و نرخی ئۆنسەیەک زێڕ ئەمڕۆ گەیشتە 2752 دۆلار.
لەدوای دەستبەکاربوونی ترەمپەوە نرخی زێڕ بەشێوەیەکی بەرچاو لە بازاڕە جیهانییەکان زیادیکردووە، بە جۆرێک بەراورد بە دوو رۆژ بەر لە ئێستا نزیکەی 40 دۆلار بەرزبووەتەوە.
ئەمڕۆ چوارشەممە، لە بازاڕە جیهانییەکان و بۆرسەی زێڕدا، هەر کیلۆیەک بە 88 هەزار و 523 دۆلار مامەڵەی پێوەدەکرێت.
لە هەرێمی کوردستانیش نرخی زێڕ رووی لە بەرزبوونەوە کردووە، بە جۆرێک نرخەکان بە گوێرەی بەهای دۆلار بەراورد بە دینار بەمجۆرەیە:
مسقاڵێک زێڕی عەیاری 21 به 583 هەزار دینار
مسقاڵێک زێڕی عەیاری 18 به 500 هەزار دینار
مسقاڵێک زێڕی عەیاری 22 به 612 هەزار دینار
مسقاڵێک زێڕی عەیاری 24 به 668 هەزار دینار
