لێپرسراوی مەكتەبی سكرتارییەتی سەرۆك مام جەلال پەیامێكی پیرۆزبایی ئاڕاستەی خوشك و برایانی كاكەیی و یارسانەكان دەكات.
دەقی پەیامەكە..
بەبۆنەی جەژنی سێ شەوەی یارانی قەوڵتاس گەرمترین پیرۆزبایی ئاراستەی خوشك و برایانی یارسان ( كاكەیی) دەكەم و هیوای رۆژانێكی جەژنی پڕ لە خۆشی و ئارامییان بۆ دەخوازم.
كاكەییەكان پێكهاتەیەكی رەسەنی كۆمەڵگای كوردەوارین و خاوەنی داب و نەریت و كەلتوورێكی جوان و ئاشتیخوازانەن و شانبەشانی پێكهاتەكانی دیكەی كوردستان رۆڵی جوامێرانەیان هەبووە لە قووڵكردنەوەی گیانی پێكەوەژیان و لە كاتی شۆڕش و خەباتی نەتەوایەتیشدا هەمیشە لە ریزی پێشەوەی تێكۆشاندابوون بۆ بەرگریكردن لە مافە نەتەوایەتییەكانی گەلی كوردستان.
قوباد تاڵەبانی
لێپرسراوی مەكتەبی سكرتارییەتی سەرۆك مام جەلال
