ئەنتۆنی بلینکن، وەزیری دەرەوەی ئەمریکا لە پاریس رایگەیاند، بەردەوام دەبین لە پاڵپشتیکردنی کورد لە سووریا و وتیشی، “تێکچوونی بارودۆخی ئەمنیی سوریا لە بەرژەوەندی هیچ لایەنێك نییە”.
بلینکن لە کۆنگرەیەکی رۆژنامەوانیدا لەگەڵ ژان نۆوێل بارۆ، هاوتا فەڕەنسییەکەی لە پاریس کۆنفڕانسێکی هاوبەشی ئەنجامدا و لە بەشێکی قسەکانیدا باسی لە دۆخی سوریا کرد و رایگەیاند پشتیوانییەکانمان بۆ هەسەدە بەردەوام دەبێت.
ئاماژەی بە ئەرکی گرنگی هەسەدە کرد، کە بەشێکی پاراستنی زیندانەکان کە ئەندامانی رێکخراوی داعش و ژن و منداڵەکانیانی تێدان.
لەبارەی ئیدارەی نوێی ئەمریکاشەوە قسەی کرد و رایگەیاند، پێموایە ئیدارەی نوێ بەردەوام دەبن لەو کارەی ئێمە کردوومانە.
دووپاتیشیکردەوە، واشنتن لە هەوڵەکانی لەگەڵ ئەنقەرە بەردەوامە سەبارەت بە ئەنجامنەدانی ئۆپەڕاسیۆنی سەربازی بۆ سەر کوردەکان لە سوریا و وتیشی، “ئێمە کاردەکەین بۆ ئەوەی دڵنیابین لەوەی ئەمە روونادات”.
