هێزەکانی سوریای دیموکرات بڵاویکردەوە، وەڵامی توندی هێرشی بەرفراونی تورکیا و گرووپەکانی سەر بە تورکیایان داوەتەوە، بە جۆرێک لە بەرەبەیانی رۆژی پێنجشەممەوە تاوەکو کۆتایی رۆژەکە 22 چەکدار کوژراون و زیاتر لە 25ی دیکەش برینداربوون.
هەسەدە باسی لەوەکردەوە، هێزەکانیان لە لادێکانی باشووری رۆژهەڵاتی مەنبەج بەرپەچی توندی هێرشەکانی داوەتەوە، چەندین زرێپۆش و ئۆتۆمبێلی سەربازی و کەرەستەی سەربازی سەر بە گرووپەکان تێکشکێندراون.
ئەمەش لە کاتێکدایە، دوێنێ فەرهاد شامی، وتەبێژی هێزەکانی سوریای دیموکرات لەسەر بەنداوی تشرین رایگەیاند، تورکیا و گرووپەکانی هەواڵی چەواشەکارانە بڵاودەکەنەوە و رایگەیاند، بەنداوی تشرین لەدەست هێزەکانی سوریای دیموکرات دایە و بە توندی پارێزراوە.
ئەمەش لە کاتێکدایە، زیاتر لە 10 رۆژە رووبەڕووبوونەوەی نێوان گرووپە چەکدارەکانی سەر بە تورکیا لەگەڵ هێزە کوردییەکانی رۆژئاوای کوردستان بەردەوامی هەیە.
