بەڕێوەبەری راگەیاندنی كارەبای سلێمانی رایدەگەیەنێت، رۆژانە 6 بۆ 7 كاتژمێر كارەبای نیشتمانی بە هاوڵاتییان دەدرێت و لە ئێستادا خواست لەسەر كارەبای نیشتمانی زیادیكردووە.
سیروان محەمەد، بەڕێوەبەری راگەیاندنی كارەبای سلێمانی لە لێدوانێكدا بە تۆڕی میدیایی ئێستای راگەیاند، دۆخی كارەبا پێش كوژاندنەوەی گشتی چۆن بووە بە هەمان شێوەیە و رۆژانە 6 بۆ 7 كاتژمێر كارەبای نیشتمانی بە هاوڵاتییان دەدرێت و بەهۆی دابەزینی پلەكانی گەرماوە خواست لەسەر كارەبای نیشتمانی زیادیكردووە.
وتیشی، ” لە ئێستادا سووتەمەنی نرخەكەی بەرزبووەتەوە و ئەوەش وایكردووە بۆ خۆگەرمكردنەوە كارەبای نیشتمانی زياتر بەكاربهێندرێت و تاوەكو كاتژمێرەكانی پێدانی كارەبای نیشتمانی كەمبێتەوە خواست زیاددەكات”.
