شەڕ لەنێوان داعش و سوپای عێراق لە ناحیەی گوڵاڵە دەستیپێكردووە، تا ئێستاش شەڕەكە بەردەوامی هەیە.
عەمید شەماڵ عەبدولڕەحمان، بەڕێوبەری ئاسایشی ناحیەی كوڵەجۆ هاوسنوور و نزیك لە ناحیەی گوڵاڵە بە تۆڕی میدیایی ئێستای وت، “بەڵێ شەڕ لەنێوان سوپای عێراق و داعشدا دەستیپێكردووە و بەردەوامی هەیە”.
ئەو بەرپرسەی ئاسایش ئەوەشی خستەڕوو، “بەگوێرەی زانیارییەكانی ئێمە داعش بە قەناس و هاوەن هێرش دەكاتە سەر گەڕەكی ‘شەهیدان’ی ناحیەی گوڵاڵە و پردی حەلوان كە لە سنووری ناحیەكەیە”.
لەبارەی ئامارەكانی كوژراوان و بریندارانی ئەو شەڕە، بەڕێوبەری ئاسایشی كوڵەجۆ ئاماژەی بەوەكرد، تا ئێستا ڕوون نەبووەتەوە قوربانی هەیە یان نا.
