سبەینێ سێشەممە وەفدی یەکێتیی نیشتمانیی کوردستان و پارتی دیموکراتی کوردستان لە پیرمام کۆدەبنەوە.
سەعدی ئەحمەد پیرە وتەبێژی یەکێتیی نیشتمانیی کوردستان بە تۆڕی میدیایی ئێستای راگەیاند، بڕیارە سبەینێ سێشەممە هەردوو وەفدی یەکێتیی نیشتمانیی کوردستان و پارتی دیموکراتی کوردستان لە پیرمام کۆببنەوە.
ئاماژەی بەوەشکرد، کۆبوونەوەکە بە مەبەستی گفتوگۆکردنە لەبارەی پێکهێنانی کابینەی نوێی حکومەتی هەرێم.
لەدوای بەڕێوەچوونی هەڵبژاردنی پەرلەمانی کوردستان و راگەیاندنی ئەنجامەکان، ئەمە دووەمین کۆبوونەوەی ئەو دوو حزبەیە لەبارەی پێکهێنانی حکومەتەوە بەڕێوەبچێت.
