هەردوو بانکی حکومیی عێراقی، رەشید و رافیدەین رایگەیاند، دەستیان بە دابەشکردنی مووچەی مانگی 12ی خانەنشینان کردووە و دەتوانن لە رێگەی ئامێرەکانەوە پارەکانیان رابکێشن.
بانکەکان ئاماژەیان بەوەکردووە، دەست بە دابەشکردنی مووچەی خانەنشینانی سەربازیی و مەدەنی کراوە و لە رێگەی نامەوە ئاگاداردەکرێنەوە بۆ ئەوەی بچن و مووچەکانیان وەربگرن.
ئەمەش لە کاتێکدایە، حکومەتی عێراق لە سەرەتای مانگدا مووچەی خانەنشینان خەرجدەکات و بەم جۆرەش تا ئێستا خانەنشینانی عێراق 11 مووچەیان وەرگرتووە و کۆتا مووچەی ئەمساڵیان وەردەگرن.
