وەزیری بەرگریی توركیا لە بەغداد-ـە

خولوسی ئاكار، وەزیری بەرگریی توركیا و یەشار گویلەر، سوپاسالاری ئەو وڵاتە بە سەردانێك گەیشتنە بەغداد.

بە گوێرەی میدیای فەرمیی توركیا، بڕیارە لە سەردانەكەیاندا كە ماوەی دوو ڕۆژ دەخایەنێت، وەزیری بەرگریی توركیا و سوپاسالاری ئەو وڵاتە ئەمڕۆ دووشەممە 18ی كانونی دووەم لەگەڵ بەرهەم ساڵح، سەرۆككۆماری عێراق-دا كۆببنەوە.

هەر بە پێی زانیارییەكان، لە سەردانەكەیاندا ئەندامانی شاندەكەی توركیا لەگەڵ مستەفا كازمی سەرۆكوەزیرانی عێراق-دا كۆدەبنەوە.

ئامانج لە سەردانی شاندەكەی توركیا، تاووتوێكردنی پەیوەندییە هاوبەشەكانی نێوان بەغداد و ئەنقەرە و ئەو پرس و دۆسیانەیە كە جێگەی بایەخ و بەرژەوەندیی هەردوو وڵاتن.

بڕیاریشە ئێوارەی ئەمڕۆ شاندەکە سەردانی هەرێمی کوردستان بكات و وەزیری بەرگریی توركیا، لەگەڵ نێچیرڤان بارزانی سەرۆک هەرێمی کوردستان و مەسرور بارزانی، سەرۆکی حکومەتی هەرێمی كوردستان-دا كۆببێتەوە.

بابەتی پێشتر

نرخی دۆلار بەرزبووەوە

بابەتی دواتر

پەرلەمانتارێكی لیژنەی دارایی: هەفتەی داهاتوو پرۆژەیاسای بودجە ئامادە دەبێت بۆ دەنگدان

بابەتی پەیوەندیدار
Total
0
Share