وەزارەتی پلاندانان لەگەڵ دەستەی ئاماری هەرێم هێڵی گەرمیی پەیوەندیکردنی هاوڵاتییان بە بژمێرەکانی سەرژمێرییەوە رادەگەیەنێت.
دەستەی ئاماری هەرێم سەر بە وەزارەتی پلاندانان رایگەیاند، ژمارەی 567 کە هەردوو هێڵی ئاسیا و کۆرەک لەخۆدەگرێت هێڵی گەرمیی پەیوەندیکردنی هاوڵاتییانە بە بژمێرەکانی سەرژمێریکردنەوە.
پرۆسەی سەرژمێریی گشتیی دانیشتووانی عێراق، ماوەی چەند مانگێکە ئامادەکاری بۆدەکرێت و چەند رۆژێکە قۆناغی دووەمی پرۆسەکە لە شار و شارۆچکەکان دەستیپێکردووە و بژمێرەکان ماڵ بە ماڵ دەگەڕێن و ناوی هاوڵاتییان تۆماردەکان.
قۆناغی کۆتایی پرۆسەکە لە دوو رۆژی داهاتوودا ئەنجامدەدرێت و بژمێرەکان پرسیارەکانیان ئاراستەی هاوڵاتییان دەکەن لەنێو ماڵەکانیاندا.
