بەڕێوەبەرایەتیی هاتوچۆی گەرمیان رادەگەیەنێت، لە سنووری ناحیەی مەیدان ئۆتۆمبێلێكی بارهەڵگر وەرگەڕا و بەهۆیەوە كەسێك برینداربوو.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە،پاشنیوەڕۆی ئەمڕۆ یەكشەممە لە گوندی گۆڕی گنوش لە سنووری ناحیەی میدان، ئۆتۆمبێلێكی بارهەڵگر لە جۆری رینۆ بارهەڵگر كە قیری باركردبوو وەرگەڕا و بەهۆی ڕووداوەكەوە شۆفێرەكەی برینداربوو.
هەر لە راگەیەندراوەكەدا هاتووە، بریندارەكە لەدایكبووی ساڵی 1997 بووە و رەوانەی نەخۆشخانە كراوە بەمەبەستی وەرگرتنی چارەسەر و لەلایەن تیمی هاتوچۆوە لێكۆڵینەوە لە رووداوەكە دەستیپێكردووە.
