ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، بەپێی ئەو رێككەوتنەی لەسەر پشكی هەرێم كراوە و لە یاسای بودجە بۆ ساڵی داهاتوو جێگیركراوە پشكی هەرێم كە 12,67% و ناردنی بودجە و مووچە بەردەوامدەبێت و دەشڵێت، ” هەرێم و بەغداد رێككەوتوون كە نەوتی هەرێم لە رێگای سۆمۆوە هەناردەبكرێت”.
موعین كازمی، ئەندامێكی لیژنەی دارایی لە ئەنجومەنی نوێنەرانی عێراق رایگەیاند، ئەو رێككەوتنەی لە نێوان هەرێم و بەغداد كراوە بۆ بەرزكردنەوەی ئاستی بەرهەمهێنانی نەوت و هەناردەی نەوتی هەرێمە لە رێگای كۆمپانیای سۆمۆی نیشتمانییەوە كە كرێی كۆمپانیا نەوتییەكان 16 دۆلارە بۆ هەر بەرمیلێك نەوت وەك قۆناغی یەكەم و چاوەڕواندەكرێت لیژنەی دارایی و وەزارەتی نەوتی عێراق لەسەر ئەو پرسە كۆبوونەوە ئەنجامبدەن.
وتیشی، ” بەپێی ئەو رێككەوتنەی لەسەر پشكی هەرێم كراوە لە پشكی هەرێم 12,67% لە یاسای بودجە جێگیركراوە ناردنی بودجە و مووچە بەردەوامدەبێت، بەڵام پێویستە پرسی ژمارەی فەرمانبەرانی هەرێم یەكلابكرێتەوە كە ناكۆكی لەسەر ئەو بابەتە هەیە”.
