وتەبێژی یەکێتیی نیشتمانیی کوردستان، رایگەیاند، دابەشکردنی پۆستە حکومییەکان لەڕێگەی ئەنجامی هەڵبژاردنەوە دەکرێت نەک لەڕێگەی کەناڵی راگەیاندنەوە.
سەعدی ئەحمەد پیرە، وتەبێژی یەکێتیی نیشتمانیی کوردستان لە کۆنفرانسێکی رۆژنامەوانیدا رایگەیاند، فەرمانی سەرۆکی هەرێم بۆ پێکهێنانی حکومەت دەرچووە، یەکێتی وەفدی خۆی هەیە و پەیوەندی بە هەموو لایەنەکانەوە کردووە و لایەنەکان لە پەیوەندیدان بۆ دەستنیشانکردنی کات و شوێنی کۆبوونەوە.
باسی لەوەشکرد، دابەشکردنی پۆستە حکومییەکان لەسەر بنەمای ئەنجامەکانی هەڵبژاردن دەبێت نەک لەڕێگای کەناڵەکانی راگەیاندنەوە، ئەو قسانەی لە میدیادا دەکرێت کە فڵان بۆست بۆ فڵان لایەنە زیادە و بێ واتان و تەنها بۆ تێکدانن.
