وەزارەتی كارەبای هەرێم رایدەگەیەنێتن پڕۆژەیەكی كارەبا لە دەربەندیخان جێبەجێدەكرێت.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، گۆڕەرێكی 100 مێگاواتی وێستگەی دەربەندیخان بە تێچوونی زیاتر لە ملیارێك دینار چاككردنەوەی بۆ دەكرێت و پڕۆژەكە لە لایەن كۆمپانیای ژیكاڵ لە ماوەی 220 رۆژ جێبەجێدەكرێت و پڕۆسەی چاككردنەوەكەشی لە توركیا دەكرێت.
هەر لە راگەیەندراوەكەدا هاتووە، بە تەواوبوونی پڕۆژەكە، یەكەیەكی دیكەی وێستگەی بەرهەمهێنانی كارەبای دەربەندیخان دەخرێتە ناو تۆڕی كارەبای هەرێمی كوردستانەوە.
