ژووری ئۆپراسیۆن و بەڕێوەبردنی قەیران و کارەسات لە راگەیەندراوێکدا ئاماژەی بەوەکردووە، بە پشتبەستن بە ئامارەکانی کەشناسی چاوەڕوانی بارانی بەلێزمە و هەورەبرووسکە دەکرێت.
روونیشیکردووەتەوە، ئێوارەی رۆژی شەممە تاوەکو شەوی هەینی پێشبینی بارانی چڕ دەکرێت لە زۆرینەی ناوچەکانی هەرێمی کوردستان و زۆرترین باران واپێشبینی دەکرێت لە سلێمانی ببارێت کە 30 بۆ 40 میلیمەتر دەبێت.
لەدوای ئەویش، هەڵەبجە دێت کە پێشبینی 35 ملیمەتر دەکرێت و راپەڕین و سۆران 25 بۆ 35 ملیمەتر و هەولێر و گەرمیان 20 بۆ 30 ملیمەتر و، دهۆک و کەرکوک 15 بۆ 25 ملیمەتر و زاخۆ 15 ملیمەتر دەبێت.
داوا لە هاوڵاتییان دەکات ئاگاداربن و چڕی دابارینەکە بە گوێرەی ناوچەکان جیاوازی دەبێت.
