هاتوچۆی هەڵەبجە داوا لە هاوڵاتییان دەکات رۆژی پێنجشەممە سەردانی بەشی تۆمار و مۆڵەت نەکەن و هۆکارەکەشی رووندەکاتەوە.
بەڕێوەبەرایەتیی هاتوچۆی هەڵەبجە لە راگەیەندراوێکدا بڵاویکردەوە، “ئاگاداری هاوڵاتییان و شۆفێران دەکەینەوە رۆژی پێنجشەممە 31 ی تشرینی یەکەمی 2024، سەردانی بەشی تۆمار و مۆڵەتی شۆفێری نەکەن”.
لەبارەی هۆکارەکەوە، هاتوچۆی هەڵەبجە دەڵێت، “لەو رۆژەدا سەرجەم ئەفسەر و کارمەندانمان لە ئەرکدا دەبن لە فێستیڤاڵی هەنار و پاییزی هەڵەبجە”.
