قوباد تاڵەبانی جێگری سەرۆكی ئەنجومەنی وەزیران لە پەیامێكیدا پیرۆزبایی سەركەوتنە مێژووییەكەی زانكۆی سلێمانی دەكات و دەڵێت، “بەدەستهێنانی پلەی یەكەم لەسەر ئاستی هەموو زانكۆكانی عێراق، شانازی و سەروەرییەكی دیكەیە بۆ زانكۆی سلێمانی و شاری سلێمانی”.
هەر لە پەیامەكەیدا هاتووە، “سوپاس بۆ سەرۆكایەتیی زانكۆ و هەموو مامۆستایانی دڵسۆز و خوێندكارانی ئازیزی زانكۆی سلێمانی، سەربەرزتان كردین”.
دەشڵێت، “یەكەم بوون بە باڵای سلێمانیدا بڕاوە و هەر دەبێت لە هەموو شتێكدا یەكەم بێت و بە هەموومانەوە باشتریشی دەكەین”.
