پەرلەمانتارێكی كورد دەڵێت، رێككەوتنی نێوان بانكەكانی هەژماری من و حكومەتی هەرێم نادیارە، لەكاتێكدا لەنێوان بانكی رافیدەین و حكومەتی ناوەند رێككەوتنێكی نووسراوی روون هەیە.
سۆران عومەر، ئەندامی ئەنجومەنی نوێنەرانی عێراق لە لێدوانێكدا رایگەیاند، ئەو رێككەوتنەی لەنێوان حكومەتی هەرێم و هەژماری من هەیە، لە بانكی ناوەندیی عێراق بوونی نییە.
وتیشی، “نازانین چۆن رێككەوتن لەنێوان بانكەكانی هەژماری من و حكومەتی هەرێمدا كراوە”.
لەكاتێكدا رێككەوتنی نووسراو لەنێوان لایەنی حكومی و بانكی رافیدەین هەیە دەربارەی “تەوتین”ی مووچە، سۆران عومەر وای وات.
ئاماژەشی بە نووسراوێكی وەزیری دارایی عێراق كرد كە تیایدا جەختدەكاتەوە لەوەی “ئامادەن بۆ تەوتین” و بانكی رافیدەینیش بۆ ئەو مەبەستە هەموو ئامادەكارییەكی پێویستی كردووە.
