بەمەبەستی گەرەنتیکردنی مووچەی فەرمانبەران لە سەرەتای مانگی داهاتوو ئەنجومەنی نوێنەران گفتوگۆکانی لەبارەی خشتەی مووچەی 2025 دەستپێدەکات.
محەمەد نوری ئەندامی لیژنەی دارایی لە ئەنجومەنی نوێنەرانی عێراق رایگەیاند، بەمەبەستی گەرەنتیکردنی مووچەی فەرمانبەران و تەرخانکردنی پارەی پرۆژەکان و پابەندە داراییەکانی دیکە، لە سەرەتای مانگی داهاتووەوە گفتوگۆکان لەبارەی خشتەی بودجەی ساڵی 2025 دەستپێدەکەن.
وتیشی، لەرێگای گفتوگۆکانمان لەگەڵ پسپۆڕانی دارایی لە وەزارەتی دارایی و بانکی ناوەندی کاردەکەین بۆ چارەسەرکردنی دواکەوتنی تەرخانکردنە داراییەکان و دەستپێکردنەوەی پرۆژەکان لە ماوەیەکی کەمدا.
جەختیشیکردەوە، مووچەی مووچەخۆران تا کۆتایی ئەمساڵ گەرەنتیکراوە و هیچ دواکەوتنێک لە دابەشکردنی روونادات.
