لەماوەی هەفتەیەکدا زیاتر لە یەک ملیۆن هاوڵاتیی لوبنانی ماڵ و حاڵی خۆیان جێهێشتووە و دەنگۆی ئەوە بڵاوبووەتەوە بەشێکیان روو لە هەرێمی کوردستان دەکەن.
سۆران عومەر ئەندامی لیژنەی کۆچ و کۆچبەران لە ئەنجومەنی نوێنەرانی عێراق بە تۆڕی میدیایی ئێستای راگەیاند، هەمووان ئاگادارین لە چەند رۆژی رابردوودا ژمارەیەکی زۆر هاوڵاتیی لوبنانی ئاوارەبوون و بەشێکیشیان روویان لە وڵاتانی دراوسێ کردووە و عێراقیش لە ریزی ئەو وڵاتانەدایە کە پشتگیریی خۆی بۆ دووپاتکردوونەتەوە.
ئاشکراشیکرد، ئاوارەکانی لوبنان ناهێنرێنە کەمپەکانی هەرێم، بەڵکو دەبرێنە شاری کەربەلا و لە عەتەبەی حوسەینی و عەباسی دەمێننەوە.
