وتەبێژی حكومەتی هەرێم رایدەگەیەنێت، لە كۆبوونەوەكەی ئەمڕۆی نێوان هەردوو وەفدی وەزاریی عێراق و هەرێم رێككەوتن كرا كە ناردنی پارەی تەرخانكراو بۆ مووچەی مووچەخۆرانی هەرێم بەردەوامبێت و ئەو تێبینییانەی كە هەن هەرێمی كوردستان تاكۆتایی ئەمساڵ چارەسەری بكات.
پێشەوا هەورامانی، وتەبێژی حكومەتی هەرێم رایگەیاند، لە كۆبوونەوەی هەردوو وەفدی وەزاریی عێراق و هەرێم گەیشتنە لێكتێگەیشتنی هاوبەش و دەبرێتە ئەنجومەنی وەزیرانی عێراق و دەنگی لەسەر دەدرێت وتیشی، “رێككەوتن كرا كە ناردنی پارەی تەرخانكراو بۆ مووچەی مووچەخۆرانی هەرێم بەردەوامبێت و ئەو تێبینییانەی كە هەن هەرێمی كوردستان تاكۆتایی ئەمساڵ چارەسەری بكات”.
دەشڵێت، “بۆ دەستپێكردنەوەی هەناردەی نەوت هەرێم ئامادەییە، چونكە راگرتنی هەناردەی نەوت زیانی گەورەی هەبووە”.
