وەزیری دەرەوەی عێراق رایدەگەیەنێت، كێشەی مووچەی مانگی تەمموز چارەسەربووە و لەم رۆژانەدا دابەشدەكرێت.
دوای كۆبوونەوەی نوێنەرانی كورد بە ئامادەبوونی سەرۆك كۆماری عێراق و وەزیرە كوردەكان، لە كۆنفرانسێكی رۆژنامەوانیدا فوئاد حسێن، وەزیری دەرەوەی عێراق رایگەیاند، لە كۆبوونەوەی ئەمشەودا بڕیاردرا كە پەرلەمانتاران پێكەوە لە پەیوەندیدابن لەگەڵ وەزارەتی دارایی عێراق كاربكەن و ئەو تێبینییانەی كە هەن چارەسەربكرێن.
وتیشی، “كێشەی مووچەی مانگی تەمموز چارەسەربووە و لەم رۆژانەدا دابەشدەكرێت و هەوڵدەدەین كە كێشەی مووچەی مانگی ئابی مووچەخۆرانی هەرێمیش چارەسەربكرێت”.
